डडेलधुरा । नेपाली कांग्रेसका केन्द्रीय सदस्य नैनसिंह महरले जनताको मन जित्न सके मात्र काँग्रेस बलियो हुने बताएका छन् । पार्टीलाई शक्तिशाली बनाउनको लागी नेता कार्यकर्ता दुबैले आ-आफ्नो कमजोरीलाई सुधार्नुको विकल्प नभएको जिकिर गरे । कांग्रेस डडेलधुराको जिल्ला सम्मेलनलाई सम्बोधन गर्दै नेता महरले ग्रासरुटबाट नै नेताहरूले काम गरेर जनताको मन जित्नु पर्ने बताए।
‘कांग्रेस जनमैत्री हुनुपर्छ। त्यसका लागि हामीले काम गरेर जनताको मन जित्नु पर्छ। त्यसको लागि सबै तहका नेताहरूले पनि इमान्दार भएर काम गर्नुपर्छ तबमात्र ठिक ठाउँमा पुगिन्छ । उनले भने स्थानीय तहका जनप्रतिनिधि जनताको नजिकको सरकार भएकाले देखिनेगरि प्रभावकारी काम गर्न पार्टीबाट निर्वाचित जनप्रतिनिधिलाई आग्रह गरेका थिए ।
पछिल्लो समय नयाँ पार्टीका नाममा देखिएको हुण्डरी धेरैदिन नटिक्ने ठोकुवा गरे । यसबाट कांग्रेस कार्यकर्ता हतोत्साही हुनु पर्ने जरुरी छैन । परिस्थितिलाई बुझेर सकरात्मक धारणा बनाइ अगाडी बढ्न सबैलाई सुझाव दिएका छन्।
पार्टीभित्र केही कमी कमजोरी रहे पनि सुधार गरेर अगाडि बढ्नुपर्ने महरले बताए।
डडेलधुरामा बजेट धेरै परेको भनेर विरोध भएता पनि त्यसको कुनै तुक नरहेको उनले बताए।
