काठमाडौं । नेपाली कांग्रेसले नक्कली भुटानी शरणार्थी प्रकरणमा निष्पक्ष अनुसन्धानका लागि पूर्ण रुपमा सहयोग गर्ने जनाएको छ । पार्टी सभापति शेर बहादुर देउवा निवास धुम्वाराहीमा बिहीबार बसेको कांग्रेस पदाधिकारी र पूर्व पदाधिकारी बैठकले तठस्थ भएर निष्पक्ष अनुसन्धानका लागि नक्कली भुटानी शरणार्थी प्रकरण सहयोग गर्ने निर्णय गरेको हो ।
बैठकपछि कांग्रेस सहमहामन्त्री जीवन परियारले यस प्रकरणका बिषयमा अदालतले गर्ने निर्णयलाई आधार मानेर आगामी दिनमा आवश्यक निर्णय गर्ने भन्दै अहिले नै बालकृष्ण खाँणलाई कारवाही गर्ने कुनै निर्णय नभएको बताए ।
उनले अनुसन्धानको दायरामा जो सुकै पनि आउन सक्ने बताए । यस प्रकरणका बिषयमा सत्ता गठबन्धनलाई कुनै असर नपर्ने उहाको भनाइ छ । त्यस्तै बैठकमा नागरिकता बिधेयकलाई प्रमाणिकरण गर्नका लागि वातावरण बनाउने बिषयमा छलफल भएको परियारले जानकारी दिए ।
बैठकले नीति अधिवेशन गर्नुभन्दा अघि भातृसंगठनलाई पूर्णता दिने बिषयमा पनि छलफल भएको जनाए । बैठकमा कोशी प्रदेश सरकारका बिषयमा पनि गम्भीर रुपमा छलफल गरेर केन्द्रको सरकारसंग तालमेल गर्ने भन्ने बिषयमा छलफल भएको परियारले जानकारी दिए ।
