काठमाडौं । नेकपा एमालेका अध्यक्ष केपी शर्मा ओलीले बाढी पहिरो र डुबान पीडितको उद्धार गर्न कार्यकर्ताहरुलाई निर्देशन दिएका छन् । ओलीले बाढी र पहिरोका कारण हुन सक्ने खतरालाई मध्यनगर गर्दै कार्यकर्तालाई पीडितको उद्धार गर्न निर्देशन दिएका हुन् ।
ओलीले अविरल वर्षाका कारण देशभरी ठूलो जनधनको क्षति भएका खबरहरू आइरहेका भन्दै पहिरोका कारण राजमार्गहरू अवरुद्ध हुने र यात्रुहरू प्रभावित हुने क्रम बढेकोमा दुख व्यक्त गरेका छन् । उनले त्यसप्रति उच्च सतर्कता अपनाउन, राजमार्गहरूमा ट्राफिक नियमको पालना गर्न सबैलाई अनुरोध गरेका छन् । साथै पार्टीको विपत् व्यवस्थापन विभागलाई मौसमको प्रतिकूल प्रभाव र सम्भावित स्थितिबारे सर्वसाधारणलाई पूर्व जानकारी गराउन र आवश्यक उद्धार तथा सहयोग कार्यका लागि तयारी अवस्थामा रहन आग्रह गरेका छन् ।
ओलीले नागरिकलाई बाढी पहिरोका कारण जोखिम हुनबाट बचाउन राज्यका निकायहरुलाई समेत यथोचित परिचालन गर्न सरकारलाई ध्यानार्षण गराएको छ ।
