काठमाडौं । नेपाली कांग्रेसकी केन्द्रीय सदस्य तथा प्रतिनिधी सभा सदस्य डा.आरजु राणाले नक्कली भुटानी शरणार्थी प्रकरणमा आफ्नो नाम जोडेर बदनाम गर्न खोजेको बताएकी छिन् । उनले बदनीयतपूर्ण सार्वजनिक भएको अडियो झुटो भएको दाबी गर्दै कसैले आफुलाई योजनाबद्ध रुपमा फसाउन खोजेको बताईन् ।
काठमाडौं जिल्ला अदालतमा दिएको बयानमा आफूले आरजुलाई नचिनेको र नचिनेका व्यक्तिलाई कसरी पैसा दिनु भनेको कुरा स्पष्ट रूपमा बाहिर आइसकेकाले यो अडियो जसले बनाएर सामाजिक सञ्जालमा राखेको भए पनि विवादमा ल्याउनका लागि रचिएको डा.राणाले बताईन् ।
उनले नेपाल प्रहरीले तथ्यहीन अडियोलाई मिडियामा ल्याएकोमा असन्तुष्टि व्यक्त गरिन् । आरोपितहरुले अदालतमा दिएको बयानमा समेत योजनाबद्ध रुपमा रेकर्ड गरेको उल्लेख गर्दै राणाले आफूलाई फसाउने गलत नियतले अडियो बाहिर ल्याइएको जिकिर गरिन् ।
