काठमाडौं । चलचित्र ‘नाङ्गो गाउँ’को फस्टलुक सार्वजनिक भएको छ । निर्माण पक्षले भदौ २९ गते रिलिज हुने तयारीमा रहेको चलचित्रको फस्टलुक सार्वजनिक गरेको हो ।
चलचित्रमा दयाहाङ राई, मिरुना मगर, कार्म र साम्राज्ञी शाहका साथै शिशिर बाङ्देल, बुद्धि तामाङ, विशाल पहारी,रविन्द्र झा,राज थापा, कमलमणि नेपाल, अंकित खड्का, पुष्कर गुरुङको अभिनय देख्न सकिन्छ ।
जय श्रेष्ठ निर्माता रहेको चलचित्रमा राम श्रेष्ठ कार्यकारी निर्माताका रुपमा रहेका छन् । त्यस्तै चलचित्रमा आलोक शुक्लाको छायांकन र बनिश शाहको सम्पादन रहेको छ । त्यसै गरी चलचित्रमा एसडी योगी र दीपक शर्माको संगीत, रामजी लामिछानेको नृत्य निर्देशन रहेको छ । साथै चलचित्रमा हिमाल शर्माको प्रस्तुति र दीपेन्द्र लामाको लेखन तथा निर्देशन रहेको छ ।
चलचित्रमा राजनीतिको कारणले एउटा गाउँमा कति ठूलो समस्यामा परेको र पार्ने प्रभाव बारे चित्रण गरिएको छ ।
