चितवन । चितवनमा रवि लामिछानेसहित ३२ जनाविरुद्ध मुद्दा दर्ता भएको छ ।
साहारा सहकारी ठगी प्रकरणमा आज लामिछानेसहित ३२ जनाविरुद्ध ठगी तथा संगठित अपराधको कसुरमा चितवन जिल्ला अदालतमा मुद्दा दर्ता भएको हो ।
चितवन जिल्ला अदालतका सूचना अधिकारी अमृत विश्वकर्माका अनुसार सरकारी वकिल कार्यालयले यसअघि असोज ८ गते सहकारी ठगीमा संलग्न १७ जना तथा आज थप १५ जनालाई संगठित अपराध कसुरमा मुद्दा दर्ता गरेको हो ।
अनुसन्धानबाट गोरखा मिडियासहितका कम्पनीहरूमा ४३ करोड १४ लाख ९९ हजार ९२८ रुपैयाँ अपचलन भएको देखिएको छ । गोरखा मिडियामा सहारा बचतबाट १० करोड ८० लाख १८ हजार १५१ रुपैयाँ अपचलन भएको अनुसन्धानबाट देखिएको प्रहरीको भनाई छ ।
जीबी ग्रुप अफ कम्पनीमा ९ करोड ७० लाख र नेचर हब्र्समा ९ करोड ७३ लाख ८१ हजार अवैध तरिकाले गएको भेटिएको छ । स्प्रिङ उड र नेचर नेस्टमा पनि गलत तरिकाले रकम गएको भेटिएको प्रहरीले जानकारी दिएको छ ।
