गुल्मी । गुल्मी जिल्लाको कालीगण्डकी गाउँपालिकामा एक जना युवक मृत अवस्थामा फेला परेका छन्।
आइतबारदेखि बेपत्ता गुल्मी जिल्लाको कालीगण्डकी गाउँपालिका वडा नम्बर - ४ जोखुमका करिब ३२ वर्षीय ओम बहादुर राना मृत अवस्थामा फेला परेका जिल्ला प्रहरी कार्यालय गुल्मीले जनाएको छ।
आइतबार साँझ घरबाट कसैलाई जानकारी नगराई हिडेका राना सोमबार दिउँसो ३:०० बजेको समयमा मृत अवस्थामा फेला परेका जिल्ला प्रहरी कार्यालय गुल्मीका सूचना अधिकारी एवम् प्रहरी नायब उपरीक्षक (डिएसपी) चिरञ्जीवी दाहालले जानकारी दिनुभयो।
आफन्ति,घर परिवार, छरछिमेकबाट खोजतलास गर्दा सोही वडाको भुतेगैरामा बाटोदेखि करिब ५० मिटर तल खोल्सामा घोप्टो अवस्थामा मृत अवस्थामा रहेको खबर वडा अध्यक्ष होम बहादुर थापाले प्रहरीलाई जानकारी गराउनुभएको थियो।
घटनाबारे प्रहरीले जानकारी पाउनासाथ ईलाका प्रहरी कार्यालय रिडीबाट प्रहरी निरीक्षक कपिल शाहीको कमाण्डमा पाँच जनाको टोली र प्रहरी चौकी पुर्तिघाटबाट प्रहरी सहायक निरीक्षक कमल बन्जाडेको नेतृत्वमा तीन जनाको टोली घटनास्थल पुगि घटनाबारे थप अनुसन्धान गरिरहेको डिएसपी दाहालले जानकारी दिनुभयो।
