काठमाडौं । हरितालिका तीजको अवसरमा लक्षित गर्दै नयाँ तीज गीत ‘दर बनाइराछिन् आमा’ सार्वजनिक गरिएको छ। नेपमेलोको आधिकारिक युट्युब च्यानलमार्फत सार्वजनिक भएको यस गीतमा शब्द रचना बिनिता खनालको रहेको छ भने संगीत संयोजन तारा प्रकाश लिम्बुले गरेका हुन् ।
गीतमा हालका चर्चित गायिकाहरू मेलिना राई र अनु चौधरीको सशक्त स्वर सुन्न सकिन्छ । गीतले तीजको सांस्कृतिक र भावनात्मक पक्षलाई उजागर गर्ने प्रयास गरेको छ ।
भिडियो पक्षमा पनि उत्कृष्ट टीमले काम गरेको देखिन्छ। भिडियोमा मोडेल आश्मा विश्वकर्मा र अलिशा शर्मा फिचर्ड छन्, जसमा उनीहरू आमाले तयार पारिरहेको ‘दर’ सम्झिँदै रमाइरहेका देखिन्छन् ।
भिडियो शान थापाको कन्सेप्ट तथा निर्देशनमा बनेको हो भने कोरियोग्राफीमा राजिव सम्मर, छायांकनमा अर्जुन तिवारीले योगदान दिएका छन् ।
गीतकी रचनाकार बिनिता खनालले यसअघि पनि लोकधाराका थुप्रै गीतहरू सार्वजनिक गरिसकेकी छन्। विशेषगरी उनको ‘पदमबिनी’ एल्बमले राम्रो चर्चा पाएको थियो ।
निर्माणपक्षका अनुसार, यस वर्षको तीजलाई अझ रंगीन र उल्लासमय बनाउने उद्देश्यले ‘दर बनाइराछिन् आमा’ प्रस्तुत गरिएको हो ।
