रोल्पा । रोल्पाको गंगादेव गाउँपालिकामा खोलाले बगाउदा एक जनाको मृत्यु भएको छ।गंगादेव गाउँपालिका-५ बथानका करिब ६५ बर्षका फौदबहादुर बुढामगरको खोलाले बगाउदा मृत्यु भएको हो।
मंगलबार दिउसो करिब ३ बजेको समयमा गंगादेव गाउँपालिका वडा नम्बर-५ को वडा कार्यालय नजिकै खोलाले बगाएर ल्याएको अबस्थामा स्थानीयले फेला पारेको त्यहाँ बाट भुपेन्द्र घर्ती मगरले जानकारी दिनु भएको छ।स्थानीयले देखेपछि प्रहरीलाई खबर गरेपछि प्रहरी र स्थानीयको टोलीले शवलाई पानीबाट निकालेर पहिचान गर्दा बुढा मगर भएको घर्तीले बताउनु भएको छ।
मृतक बुढाको शव करिब ३ किलोमीटर दुरीमा दुरको गंगादेव गाउँपालिका-५ फुलबारीको काठेपुलको मुनी अडिएको अवस्था फेला परेको थियोे । घर नजिकै खोला रहेकोले खोला तर्ने क्रममा बगाएको हुन सक्ने जिल्ला प्रहरी कार्यालय रोल्पाका सूचना अधिकृत प्रकाश भुसालले जानकारी दिनु भएको छ।
पाखापानी प्रहरी चौकीका असई योगेन्द्र कुमार पुनको कमान्डमा खटिएको प्रहरीको टोलीले थप अनुसन्धान गरिरहेको समेत भुसालले बताउनु भएको छ।
