लुम्बिनी । प्रधानमन्त्री पुष्पकमल दाहाल प्रचण्डले बुद्ध जन्मस्थल लुम्बिनीको सम्भावना असीमित रहेको बताएका छन् । शुक्रवार २५६७ औं बुद्ध जयन्तीको अवसरमा लुम्विनीमा आयोजित मूल समारोहलाई सम्बोधन गर्दै उनले सरकार वृहत्तर लुम्बिनी गुरुयोजनाको थालनी गर्न तयार रहेको बताएका हुन् ।
लुम्बिनीसँगै कपिलवस्तु, देवदह, रामग्रामलाई समेटेर वृहत्तर लुम्बिनीको रुपमा वि
कास गरिने उल्लेख गर्दै प्रधानमन्त्रीले तिलौराकोट पनि विश्वसम्पदा सूचीमा सुचीकृत हुने क्रममा रहेको उल्लेख गरे ।
क्रान्ति र शान्ति एक अर्काका पूरक भएको उल्लेख गर्दै प्रधानमन्त्री प्रचण्डले यसलाई बुझ्ने र ग्रहण गर्नेमा एकरुपता हुन नसकेको बताए । समारोहमा संँस्कृति पर्यटन तथा नागरिक उड्डयनमन्त्री सुदन किराँतीले लुम्बिनीको फोटोकपी गर्ने केही स्थानमा भएको पाईएपनि तर ती कार्य फगत मात्रै भएको जनाउँदै लुम्बिनी विकास कोषमा अनेकौं विकृति विसंगती रहेको भन्दै उनले विकृति हटाउने कुरालाई जोड दिए ।
उनले आगामी जेठ १६ गतदेखि नेपाल वायुसेवा निगमका जहाज गौतमबुद्ध विमानस्थलबाट चल्ने बताए । कार्यक्रममा लुम्बिनी प्रदेशका मुख्यमन्त्री डिल्लीबहादुर चौधरीले लुम्बिनी प्रदेशमा बुद्ध सर्किट बनाउने अवधारणा आएपनि अघि बढ्न नसकेकाले अघि बढाउनुपर्ने बताए ।
२५६७ औँ बुद्धजयन्ती मूल समारोहलाई सम्बोधन गर्दै मुख्यमन्त्री चौधरीले बुद्ध सर्किट निर्माणपछि संसारभरका बौद्धमार्गीलाई आकषिर्त गर्न सकिने र यसबाटै प्रदेशको आर्थिक समृद्धिमा टेवा पुग्ने बताए । बुद्ध सर्किटमा बौद्ध ध्यान केन्द्रहरु निर्माण र हरेक महिना पुजा, अनुष्ठानको माध्यमबाट संसारको ध्यान केन्द्रित गर्न सकिने बताए ।
लुम्बिनी विकास कोषले अहिले स्थानीयलाई जोड्न नसकेको भन्दै मुख्यमन्त्रीले पर्यटकको बसाई लम्बाउन सरोकारवाला सबैसँग सहकार्य गरेर नीति बनाउन आवश्यक रहेको बताईएको छ । कोषका उपाध्यक्ष अवधेश त्रिपाठी लुम्बिनी, कपिलवस्तु र रामग्रामलाई जोडेर बुद्ध सर्किट बनाएर एकीकृत पर्यटन विकास गर्नुपर्ने बताए ।
