काठमाडौं l नेपाल मेडिकल काउन्सिलले दर्तावाला चिकित्सकहरूले शैक्षिक परामर्शको बहानामा कन्सल्टेन्सीको व्यापारिक प्रचार गर्न थालेको विषयमा गम्भीर ध्यानाकर्षण भएको जनाएको छ।
काउन्सिलले १६ गते जारी विज्ञप्तिमा स्पष्ट पारेको छ कि आफ्नो नाम, फोटो र डिग्री साइनबोर्ड, ब्रोसर, पम्प्लेट जस्ता प्रचार सामाग्रीमा प्रयोग गरी व्यवसायिक लाभ लिन खोज्ने चिकित्सकहरूलाई नेपाल मेडिकल काउन्सिलको नियम अनुसार कडा कारबाही गरिने बताएको छ ।
काउन्सिलका रजिष्ट्रार डा. सतिस कुमार देवले विज्ञप्तिमा सबै चिकित्सकहरूलाई नियमको पालना गर्न, गलत प्रयोग नगर्न र अनधिकृत प्रचारप्रसारबाट टाढा रहन सतर्कता अपनाउन आग्रह गरेका छन् ।
यस कदमलाई चिकित्सक पेशाको प्रतिष्ठा र जनस्वास्थ्य सुरक्षासँग जोडिएको गम्भीर निर्णयका रूपमा लिइएको छ ।
