काठमाण्डौँ । अर्थमन्त्री एवम् नेपाली काँग्रेसका प्रवक्ता डा प्रकाशशरण महतले नक्कली भुटानी शरणार्थी प्रकरणका कारण सरकार नढल्ने बताएका छन्। महतले काँग्रेसको पछिल्लो गतिविधिका बारेमा जानकारी दिन मंगलबार आयोजित पत्रकार सम्मेलनममार्फत् जस्तो बताएका हुन्।
शरणार्थी प्रकरणमा गठबन्धनकै नेता पनि पक्राउ परेको विषय जोड्दै पत्रकारले राखेको प्रश्नमा जवाफ दिँदै उनले यसले सत्ता समीकरणमा खासै फेरबदल नहुने बताए। अनुसन्धान भइरहेको छ। सत्यतथ्य बाहिर आउँछ। तर, यस विषयले सरकार ढल्दैन’, प्रवक्ता महतले भने।
उनले नक्कली शरणार्थीका नाममा भएको ठगीको हकमा कोही निर्दोष नफसून् र कोही दोषी नउम्किउन् भन्ने पक्षमा काँग्रेस रहेको पनि बताए। साथै, उनले शरणार्थी प्रकरणमा पक्राउ परेका पूर्वगृहमन्त्री एवम् कांग्रेसका नेता बालकृष्ण खाण र एमाले नेता टोपबहादुर रायमाझीको मुद्दा फरक भएको जिकिरसमेत गरे। नक्कली भुटानी सरणार्थी प्रकरणमा अनुसन्धान जारी भएको बताउँदै उनले अनुसन्धानबाट निष्कर्ष आएपछि खाणलाई पार्टीमा कारबाही गर्ने र नगर्ने कांग्रेसले निर्णय गर्ने उनको भनाइ छ।
