काठमाडौं । संघीय संसद अन्तर्गत राष्ट्रियसभाको बैठक बुधबार पनि बस्दै छ ।
संसद सचिवालयले बैठक बुधबार मध्याह्न सवा १२ बजे बस्ने जनाएकाे हाे । बैठकमा राष्ट्रिसभाका अध्यक्ष नारायण प्रसाद दाहालले राष्ट्रपतिको कार्यालयबाट प्राप्त विधेयक प्रमाणीकरण सम्बन्धी पत्र पढेर सुनाउनुहुने भएकाे छ।
बैठकमा अर्थमन्त्री डा. स्वर्णिम वाग्लेले आर्थिक वर्ष २०८३/०८४ को राजस्व र व्ययको वार्षिक अनुमानमाथि सामान्य छलफलका प्रस्ताव प्रस्तुत गर्ने छलफल शुरु हुने सम्भावित कार्यसूची रहेकाे सचिवालले जनाएकाे हाे।
बैठकमा अर्थमन्त्री डा. वाग्लेले प्रतिनिधिसभाबाट सन्देशसहित प्राप्त वैकल्पिक विकास वित्त परिचालन विधेयक, २०८२ माथि विचार गरियोस् भन्ने प्रस्ताव प्रस्तुत गर्ने सम्भावित कार्यसूची रहेको रहेकाे छ ।
प्रधानमन्त्री बालेन्द्र शाहले प्रतिनिधि सभा बैठकमा नेपाल र भारतबीचकाे सीमा सम्बन्धी संसदमा दिएकाे अभिव्यक्तिकाे विषयलाई लिएर राष्ट्रियसभा बैठक पनि अवरुद्ध हुँदै आएको हाे ।
सत्तापक्ष विहीन राष्ट्रियसभामा सबै दलका सदस्यले सामूहिक रूपमा मंगलबार बैठक अवरुद्ध गरेका थिए ।
