काठमाडौँ । चर्चित सङ्गीतकार तथा गायक आशिष अविरलमाथि अमेरिकाको बाल्टिमोरमा कुटपिट भएको छ। कामको सिलसिलामा उत्पन्न भएको विवादपछि स्थानीय एक युवक र एक युवतीले उनीमाथि आक्रमण गरेका हुन् ।
कुटपिटका कारण अविरलको नाक र आँखामुनिको हड्डी भाँचिएको छ। अमेरिकामै रहेका उनका निकट सङ्गीतकार लक्ष्मण पौडेलका अनुसार अविरलको आँखामा समेत गम्भीर चोट लागेको छ।
केही समयपछि घटनास्थल पुगेका साथीहरूले उनलाई अस्पताल पुर्याएका थिए। उनलाई बाल्टिमोरस्थित ट्रमा सेन्टरमा भर्ना गरिएको थियो।
उपचारमा संलग्न चिकित्सकहरूले उनको नाकको शल्यक्रिया गर्नुपर्ने बताएका छन्। अविरल विगत एक वर्षदेखि सपरिवार अमेरिकामा बस्दै आएका छन्।
