बुटवल । नेकपा एमालेका उपाध्यक्ष एंवम् पूर्व उपप्रधानमन्त्री विष्णु पौडेलले नेतृत्व तहबाटै भष्ट्रचारका घटनाहरु बाहिर आउनु देशकै लागी दुर्भाग्य भएको बताएका छन् । बुटवलमा भएको प्रथम राष्ट्रिय पार्क सम्मेलनलाई उद्धघाटन गर्दै पूर्व मन्त्री पौडेलले देश,जनता र संविधानलाई साँची राखेर देशमा सुशासन कायम राख्न गरेका प्रतिबद्धता माथि नै चुनौति थपिएको बताए ।
उपाध्यक्ष पौडेलले अहिलेको घटनाक्रमले देशको राष्ट्रिय प्रतिष्ठा नै लज्जाको स्थितिमा पुगेको बताउदै देशमा भष्ट्रचार नियन्त्रण गर्न राजनीतिक दलहरु सहित आम नागरिक समाज तथा सम्पूर्ण जिम्मेवार निकायहरु लाग्नुपर्ने बताए । उनले देशमा सुशासन,सम्वृद्धि,विकास र उत्पीडनमा परेका सबै नागरिकलाई समान अधिकार दिने कुरामा अब सचेत भएर सबै लाग्नुपर्नेमा जोड दिए ।
पूर्व उपप्रधानमन्त्री पौडेलले देश गम्भिर आर्थिक संकटमा फसेको तिप्पणी गर्दै सरकार त्यसको समाधान तर्फ गम्भिर भएर लाग्न आग्रह गरे । उनले सम्मेलनलाई सम्बोधन गर्दै देशैभरीका पार्कहरुको अभिलेख संकलन गरेर पार्कलाई व्यवस्थित गर्न वर्गीकृत गरी अघि बढ्न सुझाव दिए ।
सम्मेलनमा देशभरीका पार्कहरुको प्रतिनिधी सहभागी भएका थिए ।
