रुपन्देही । रुपन्देहीका १६ वटा पालीकामध्ये गैडहवा गाउँपालीका पुँजीगत खर्चमा सबैभन्दा अगाडी देखिएको छ । पालीकाले २०७९/८० मा सम्पादित कार्यक्रम अन्तरगत पुँजीगत तर्फ ८७ प्रतीशत बजेट खर्च गर्दै बिकास निर्माणका कामलाई अघि बढाएको छ ।
गैडहवा गाउपालीकाको आर्थिक बर्ष ७९/८० मा सम्पादित कार्यक्रमहरुको बार्षीक प्रगती समिक्षा गोष्ठीमा सिमित स्रोत साधनका बिचमा पनी पालीकाले पुँजीगत तर्फ ८७ प्रतीशत खर्च गर्ने पहिलो पालीका भएको बताएको छ ।
आगामी बर्ष यसलाइ बढाएर ९० प्रतीशत भन्दा माथी पुर्याउने गैडहवा गाउपालीकाका अध्यक्ष सुरेन्द्र पौडेलले जानकारी दिनुभयो। गैडहवापछी पुँजीगत खर्चमा सियारी गाउपालीकाले ८४ प्रतीशत खर्च गर्दै दोस्रो भएको छ । स्थानीय सरकारलाई दिएको अधिकारको कार्यान्वयन गर्न भौतिक ,आर्थिक,सामाजिक बिकास गर्दै बिकास र समृद्धिको जनआकाङ्क्षा पुरा गर्ने प्रमुख दायित्व जनप्रतिनिधी , कर्मचारी लगायत हामी सबैको हो , बार्षीक प्रगती समिक्षा गोष्ठीमा बोल्दै पालीका अध्यक्ष पौडेलले भन्नुभयो – १ देखी ९ सम्मका बिभिन्न वडाले ९६ प्रतिशतसम्म बजेट खर्च गरेको र जनताको अती आबश्यक कामहरुलाई पहिलो प्राथमिकतामा राखेर काम गर्नुपर्ने बताउनुभयो।
उहाँले १७ करोड ३५ लाखमा सुर्यपुरामा १५ शैयाको अस्पताल निर्माण भइरहेको र १ करोड ५० लाखमा नेपाली सेनाको आयोजनामा राष्ट्रपती चुरे संरक्षण कार्यक्रम अन्र्तरगत रुपन्देहीकै ठुलो गैडहवा ताल पुन निर्माण सम्पन्न भई पालीकालाई हस्तान्तरण भइसकेको बताउनुभयो । चालु खर्च ८२ प्रतीशत रहेको बताउदै पौडेलले बिकास निर्माणको काममा ढिलासुस्ति गर्ने, समय लम्बाउने र निर्धारीत मितीमा काम सम्पन्न नगर्ने निर्माण ब्यबसायीलाइ कारबाही गर्ने पनी जनाउनुभयो ।
यस्तै प्रमुख प्रशासकिय अधिकृत कृष्णप्रसाद पन्थिले सडक पिच, ढलान,ग्राभेल , स्तरउन्नती, नाली निर्माणका धेरै काम भएको भन्दै स्वास्थ्य ,शिक्षा तथा कृषी र रोजगारलाई ८०/८१ मा बिशेष प्राथमिकताका साथ अगाडी बढाएर लैजाने बताउनुभयो। उहाँले सार्वजनिक खर्च ब्यबस्थापनलाई नतिजामुखी बनाइदैँ बिकास आयोजना कार्यान्वयनलाई सहजीकरण गरिने बताउनुभयो।
पन्थिले समिक्षा गोष्ठीमा जिल्लामै पुँजीगत खर्चमा पहिलो पालीका बनाउन अहोरात्र खट्ने वार्डअध्यक्ष,वार्ड सदस्य, स्थानीय उपभोक्ता, कर्मचारीलाइ बिशेष धन्यबाद प्रकट गर्नुभएको थियो । कार्यक्रममा स्वास्थ्य, शिक्षा, कृषी,पशु, रोजगार,लेखा, सामाजिक बिकास र महिला बिकास, लघु उद्यम, आर्युवेद , भुमिहिन दलित भुमिहिन सुकुम्बासी, अब्यबस्थित बासोबासी शाखा ,पन्जिकरण लगायत बिभिन्न शाखाका प्रमुखहरुले आ-आफ्ना प्रगती बिबरण सुनाएका थिए । उनीहरुले समृद्ध गैडहवाको बिकासको नारालाइ आत्मसात गर्दै आम जनसमुदायको हितमा काम गर्ने प्रतीबद्धता जनाएका थिए ।
यस्तै १ देखी ९ सम्मका वार्ड अध्यक्ष तथा वार्ड सचिबहरुले जनचाहना अनुरुप नागरिकहरुको घरदैलो सेवा प्रदान गर्ने आधारस्तम्भको रुपमा रहने स्थानीय तहको भुमिकालाइ प्रभाबकारी बनाइने दाबी गरे । गोष्ठीमा उपस्थित स्थानीयले समग्र गैडहवाको बिकासका लागी हातेमालो गर्न सदैब तत्पर रहेको बताएका थिए । पालीका अध्यक्ष सुरेन्द्र पौडेलको अध्यक्षता तथा सुचना अधिकारी गणेश भट्टराईको सन्चालनमा सम्पन्न भएको थियो ।
