नेपालमा पछिल्लो समय सुशासनको अवस्था निकै नै दयनीय छ । नेतृत्व तह नै ठूला ठूला भष्ट्रचारका काण्डमा मुछिदा चारैतिर सुशासनको नाममा अन्यौलता छाएकोले सबै क्षेत्र लथालिङ्ग छ । संघीयता आएसगैँ घर घरमा सिंहदरबारको अधिकार आउँछ भन्ने हल्ला त चलाईयो तर व्यवहारमा जनताले त्यसको महसुुस गर्न पाएको छैन । संघीयताको उपलब्धी बाइसे चौबिसे राज्यको अवधारणा जस्तै गरी धेरै राजाहरु गाउँगाउँमा जन्मिए । त्यसैले त्यसको रोकथामका लागी प्रदेश सरकारको औचित्य छैन ।
वर्तमान परिप्रेक्ष्यमा संघीयता भ्रष्ट्राचारको अखडा र केही मान्छेलाई कमाई खाने भाँडो मात्र बनेको छ । भ्रष्ट्राचार गरेकालाई कारबाही गर्न नसक्दा सुशासनको बाधक नै नेतृत्व तह बनेको छ । भ्रष्ट्राचारीलाई कारबाही गरेको खण्डमा सुशासन कायम हुने सम्भावना छ । सुशासनको मुख्य बाधक भनेको भ्रष्ट्राचार हो । अहिले सबै क्षेत्रमा अनुशासन,लगनशीलता,जिम्मेवारी,जबाफदेहिता र पारदर्शिता छैन ।
संघीयतामा भ्रष्ट्राचार निकै मौलाएको छ । देशलाई लुट्ने योजनामा राजनीतिक दलका नेता र कर्मचारीहरु नै नीतिगत भष्ट्रचार लिप्त छन् । जनताले सुशासनको महसुस गर्न नसक्नु अत्यन्तै पिडादायी कुरा हो । जनताले गणतन्त्रलाई परिवर्तन गर्नुपर्दछ । नेता र नेतृत्व परिवर्तन गर्नु पर्दछ । नेताहरू एकदमै भ्रष्ट भएको पाइएको छ ।
बेथिति तिर उन्मुख छन् र सुशासनको अनुभूति हुन सक्ने अवस्था नै छैन । सरकार स्थिर छैन प्रधानमन्त्री,सांसदहरू,वैधानिक निकायहरू,कार्यपालिका, न्यायपालिका, व्यवस्थापिका र उच्चस्तरका पदाधिकारीहरू अपारदर्शी अनैतिकताको फोहोरमा डुबेका छन् । अब देशमा जनताबाट चुनिएको प्रत्यक्ष प्रधानमन्त्री हुने व्यवस्था हुनुपर्दछ । संघीयता खारेज गर्नुपर्दछ ।
धवलशमशेर राणा –महामन्त्री, राप्रपा
