काठमाडौं । प्रधानमन्त्री पुष्पकमल दाहाल प्रचण्डले देशमा सुशासन कायम राख्न विकृति र भ्रष्टाचारको विरुद्ध लड्नुको विकल्प नभएको बताएका छन् । प्रेस सेन्टर नेपालको १९ औँ साधारण सभा एवम् २१ औं कृष्णसेन इच्छुक स्मृति दिवसका अवसरमा आयोजित भेलामा बोल्दै प्रधानमन्त्री प्रचण्डले चारैतिर घेराबन्दीका बीच पनि विकृति र भ्रष्टाचारको विरुद्ध लडिरहने बताए ।
उनले ठूलो बलिदानी र त्यागबाट प्राप्त भएको उपलब्धीका बिरुद्ध जतिसुकै घेराबन्दी भए पनि नयाँ आन्दोलन र अभियानको सुरुवात भएको तिप्पणी गरे । प्रधानमन्त्री प्रचण्डले सामाजिक न्याय सुशासन र समृद्धि नै सरकारको मुख्य लक्ष्य रहेकाले विकृति, विसङ्गति र भ्रष्टाचारको विरुद्ध मानसिक रुपमा तयार रहेर काम अघि बढेको जिकिर गरे ।
उनले जनयुद्ध सुरु गर्दा को कति दिन बाचिने हो, को कति बेला मारिने हो भन्ने टुङ्गो थिएन, अहिलेको यो लडाई पनि त्यो भन्दा कम नभएको बताए ।
