ललितपुर । नेपाली कांग्रेसका महामन्त्री गगन थापाले पार्टी सुधारका लागी आफु जस्तो सुकै त्याग गर्न तयार रहेको बताएका छन् । नेपाली कांग्रेस ललितपुरले आयोजना गरेको कार्यक्रमलाई सम्बोधन गर्दै थापाले पार्टी सुधारका आफु जस्तो सुकै त्याग गर्न तयार रहेको बताएका हुन् ।
महामन्त्री थापाले पार्टी गलत बाटोमा लागेको आरोप लगाँउदै यदि यो कार्यलाई रोक्न नसकिए पार्टीको भविश्य नै खतरामा गरेको जिकिर गरे । उनले पार्टीलाई सच्याउन र जनमुखी बनाउन कोही कसैले खुट्टा कमाउन नहुने बताए । उनले पार्टीको सुधारका लागी नयाँ पुस्ता अब पुराना कोहीसँग डराउन नहुनेमा जोड दिए । महामन्त्री थापाले पार्टीलाई बचाउन आफु जोखिम उठाउन तयार रहेको बताउदै पार्टी बचाउन आफुले महामन्त्रीको पद त्याग गर्न तयार रहेको बताए ।
उनले पार्टीलाई निराशाबाट बाहिर ल्याउनुपर्नेमा जोड दिदै सबै कार्यकर्ता तथा शुभेच्छुक सबैलाई पार्टी सुधारका लागी लाग्न आग्रह गरे ।
