काठमाडौँ । पाचौं संस्करणको सहारा ग्रुप ‘सगरमाथा म्युजिक अवार्ड २०८०’ आयोजना हुने भएको छ । अर्थ नेपाल प्रालिको आयोजना रहेको अवार्डमा  ‘नेपाली कला र स्रष्टाको सम्मान, नेपाली संस्कृति संरक्षण र प्रवर्द्धन हाम्रो अभियान’ भन्ने मूल नाराको साथ हुन लागेको हो ।

२०७९ वैशाखदेखि चैत्रसम्म बजारमा आएका गीतसंगीतले अवार्डमा सहभागिता जनाउन सक्ने कार्यक्रम प्रमुख पुरुषोत्तम बस्नेतले जानकारी दिए । जुरी र भोटको आधारमा अवार्डको अन्तिम निर्णय हुने अवार्ड संयोजक मनोज थापाले जानकारी दिए ।

गीतसंगीतको क्षेत्रमा विशिष्ट योगदान पुर्याउने संंगीतकर्मीलाई विशेष सम्मान गरिने अवार्डमा कला क्षेत्रमा कलम चलाउने पत्रकारलाई समेत सम्मान गरिने आयोजक संस्था अर्थ नेपालले जनाएको छ ।

अवार्डमा राष्ट्रिय, चलचित्र, आधुनिक, लोकदोहोरी र पपविधाका विभिन्न विधा समेटिनेछ । अवार्डमा नेपाली गीतसंगीतको क्षेत्रमा योगदान पु¥याएका एक जना विशिष्ट व्यक्तिलाई लाइफ टाइम अचिभमेन्ट अवार्ड प्रदान गरिने छ । 

त्यसै कार्यक्रममा एकजना अग्रज रंगपत्रकारलाई नगद सहित रजत पत्रकारिता सम्मान गरिने छ । अवार्डको आवेदन फारम सगरमाथा म्युजिक अवार्डको अफिसियल वेवसाइटबाट भर्न सकिने आयोजकले जनाएको छ ।