काठमाडौं। फलफूल स्वास्थ्यका लागि फाइदाजनक मानिन्छ। यसको सेवनले शरीरलाई पुर्ण रुपमा पोषण मिल्छ र रोगसँग लड्न सक्ने क्षमता बृद्धि हुन्छ।
कसैलाई फलफूल नकाटेर पूरै खान मनपर्छ भने कसैलाई काटेर खान मन लाग्छ। तर, कतिपय मानिसहरूले विभिन्न फलफूलमा नुन मिसाएर खान्छन्। अब प्रश्न उठ्छ कि नुन मिसाएर फलफूल खानु कत्तिको फाइदाजनक हुन्छ ।
विज्ञहरूका अनुसार फलफूलको सलादमा नुन मिसाएर खादा स्वादिलो लागेता पनि यसले हाम्रो शरीरमा रहेको पोषक तत्व नष्ट हुन्छ।
यसरी दिनहु फलफूलमा नुन मिसाएर खाँदा मिर्गौलालाई असर गर्छ र शरीरमा सुजनको समस्या पनी आउन सक्छ। उच्च रक्तचाप वा मुटु सम्बन्धी बिरामी हरूले भने भूलेर पनि नुन मिसाउनु हुँदैन।
फलफूलमा धेरै नुन मिसाएर खाँदा पानी जम्ने समस्या पनि हुन सक्छ। जसका कारण शरीर फुल्ने, हात खुट्टा सुन्निने जस्ता समस्याहरू आउन सक्छन्।
