काठमाडौं । प्रमुख प्रतिपक्षी दल नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले नेपालमा विकृति,बिसङ्गति र छाडापन बढेको तिष्पणी गरेका छन् । उनले सामाजिक सञ्जालमा आफ्नो सुनैसुनले ढाकिएको फोटो ट्रोल बनेपछि गुनासो पोख्दै नेपालमा विकृति र विसंगति भित्रिएकोमा दुख व्यक्त गरे ।
पार्टी राष्ट्रिय जनसांस्कृति महासंघले आयोजना गरेको पार्टी प्रवेश कार्यक्रममा बोल्दै ओलीले दुनियाँमा सबैभन्दा छाडापन नेपालमा नै भएको भन्दै त्यसलाई रोक्न पहल गर्नुपर्नेमा जोडदिए । पूर्व प्रधानमन्त्री समेत रहेका ओलीले पहिले छाडापन भनेर विभिन्न देशको कुरा गरेपनि अहिले नेपालमा जस्तो अन्त नभएको बताए । ओलीले युट्युब खोल्न समेत एकान्त कुनामा जानुपर्ने बाध्यता आएको बताउदै त्यसको रोकथाम तिर नलागे देशको पहिचान हराउने बताए ।
ओलीले नेपाल सभ्यता र संस्कृतिको सुरुवात गर्ने देश भएको स्मरण गराउदै त्यो पहिचान जोगाउन सबै लाग्नुपर्ने बताए ।
