बुटवल । सरकारले आर्थिक वर्ष २०८०/८१ मा लुम्बिनी प्रदेशले १५ अर्ब ३८ करोड ४२ लाख रुपैयाँ अनुदान पठाउने भएको छ ।
बजेटको अन्तर सरकारी वित्तीय हस्तान्तरण पुस्तिका अनुसार सो रकम लुम्बिनी प्रदेशले प्राप्त गर्नेछ । सरकारले समानीकरण, सशर्त, विशेष र समपूरक गरी चार शीर्षकमा प्रदेशमा अनुदान पठाउने गरेको छ ।
१० अर्ब ६५ करोड २१ लाख चालुतर्फ र ४ अर्ब ७३ करोड २१ लाख पुँजीगत तर्फको गरी १५ अर्ब ३८ करोड ४२ लाख रुपैयाँ अनुदान पाउने छ । अनुदानमध्ये समानीकरण अनुदान ८ अर्ब १४ करोड ८३ लाख, सशर्त अनुदान ५ अर्ब ८३ करोड ५९ लाख, विशेष अनुदान ७ करोड र समपूरक अनुदान ८४ करोड रुपैयाँ रहेको छ ।
गत आर्थिक बर्षमा लुम्बिनी प्रदेशले १८ अर्ब ४७ करोड ६४ लाख रुपैया अनुदान प्राप्त गरेको थियो । यो वर्ष ३ अर्ब ०९ करोड २२ लाख रुपैया कम अनुदान पाउने भएको हो ।
