काठमाण्डौँ । स्वास्थ्य तथा जनसंख्या मन्त्रालयले सम्पूर्ण सरकारी, निजी, सामुदायिक अस्पताल, प्रतिष्ठान तथा मेडिकल कलेजहरूलाई कुल शैयाको १० प्रतिशत छुट्याई विपन्न, असहाय तथा बेवारिसे बिरामीको निःशुल्क उपचार गर्न आग्रह गरेको छ ।
स्वास्थ्य संस्था सञ्चालनसम्बन्धी मापदण्ड २०७७ को दफा ७० मा यो व्यवस्था भए पनि मन्त्रालय मातहतका निकायमार्फत नियमित तथा आकस्मिक अनुगमन गर्दा मापदण्डअनुरुप नदेखिएको स्वास्थ्य मन्त्रालयले जनाएको छ ।
यससँगै अस्पतालमा पार्किङ शुल्क उठाउने गरेको, कार्यरत जनशक्तिलाई न्यूनतम् पारिश्रमिकसमेत उपलब्ध नगराएको लगायत गुनासा आएकाले प्रचलित कानुनमा व्यवस्था भएका सम्पूर्ण व्यवस्था पूर्ण रुपमा पालना गर्न स्वास्थ्य संस्थाहरुलाई स्वास्थ्य मन्त्रालयले आग्रह गरेको छ ।
