काठमाडौं। लौका मानव स्वास्थ्यलाई निकै फाईदाजनक छ। जुस खानु स्वास्थ्यको लागि राम्रो पक्ष हो । जुस भन्दा पनि सिङ्गो फलफूल खानु अझ राम्रो हो । सबै जुस एकनासको हुँदैन । लौकाको जुसमा चिनीको मात्रा हुँदैन र त्यसमा फाइबर धेरै मात्रामा हुन्छ । लौका एक औषधि पनि हो ।
लौकाको जुसमा भिटामिन ‘सी’ बढी पाइने हुनाले यसलाई खाने गरिन्छ । लौकाको जुसमा ९२ प्रतिशत पानी, भिटामिन ‘के’, क्याल्सियम र अन्य धेरै मिनरलहरु पाइन्छ ।
लौकाको जुस पिउनुका फाइदाहरुः
लौकाको जुसले मुटुलाई स्वस्थ बनाउछ । लौकाको जुस नियमित प्रयोग गर्नाले कोलेस्टोर कम हुन्छ र उच्च रक्तचापलाई नियन्त्रण गर्दछ । सुगर रोगको लागि पनि लौकाको जुस फाइदाजनक हुने गर्दछ । लौकाको जुसमा चिनीको मात्रा कम हुने भएकोले यो सुगरका विरामीले सजिलै यसको प्रयोग गर्न सक्छन् । लौकाको जुसमा फाइबर धेरै र क्यालोरी कम हुन्छ ।
तौल कम गर्नको लागि पनि लौकाको जुस प्रयोग गर्ने गरेको पाइन्छ । हामीले तौल कम गर्नका लागी विभिन्न किसिमका फाइबर प्रयोग गरेका हुन्छौ । सबैभन्दा बढी फाइबर लौकामा पाइने हुनाले यसको प्रयोग बढी हुने गर्दछ ।
लौकाको जुस ग्याष्ट्रिक, अल्सर भएको बेलामा पनि धेरै फाइदाजनक हुन्छ । लौका यस्तो चिज हो, जसले धेरै कुराहरुमा फाइदा दिएको छ । यसले शरीरभित्र रहेको ग्यासलाई नियन्त्रणमा राख्छ ।
लौकाको जुसले गर्मीको समयमा धेरै फाइदा पुर्याउँछ । लौकाको जुस आफैंमा चिसो हुने हुनाले शरीरमा गर्मीको मात्रा कम गराई चिसो राख्न मद्धत गर्छ । गर्मीको समयमा नाकबाट रगत आउने, खाना मीठो नहुनेजस्ता समस्या कम गर्न यो लाभदायिक हुन्छ ।
लौकाको जुसले मानसिक तनाव कम गर्नमा मद्दत गर्छ । लौकाको जुसमा कोलिन पाइन्छ । कोलिन एउटा न्युरो ट्रान्समिटर हो जसले दिमागको क्षमता बढाउछ र तनाव कम गर्छ । मानसिक समस्यालाई समेत यसले धेरै मद्दत पुर्याउँछ ।
गर्भाशय सम्बन्धि समस्यामा लौकाको रस निकै लाभदायक मानिन्छ। पटक पटक गर्भपतन हुने महिलाहरूले लौकाको रस तथा तरकारीका रूपमा अवश्य खान आवश्यक हुन्छ । यसले गर्भाशय मजवुत भई गर्भपतन हुने समस्याबाट छुटकारा दिलाउन मद्दत गर्छ ।
यस बाहेक शरीरभित्रको फोहोर सफा गर्न,कब्जियत नियन्त्रण गर्न र पिसाबको इन्फेक्सनका लागि समेत लौकाको जुस लाभदायक हुने गर्दछ ।
