रुद्रमणि भुसाल,अर्घाखाँची । छत्रगंञ्ज रुपन्देही सम्पर्क समाज बुटवलको आयोजनामा एक दिने बृहत निशुल्क स्वास्थ्य शिविर छत्रदेव गाउँपालिका वार्ड नम्बर ५ मा रहेको सार्वजनिक माध्यमिक विद्यालयमा आज सम्पन्न निशुल्क स्वास्थ्य शिबिरमा ७ सय बिरामीले लिए सेवा लिएकाछन् । 

रुपन्देही सम्पर्क समाजले निशुल्क गाउँमा स्वास्थ्य शिविर ल्याउदा गरिब तथा रोग लुकाएर बसेका आमाबुबाहरुलाई उपचार गराउन सहज भएको छत्रगंञ्ज रुपन्देही सम्पर्क समाजका अध्यक्ष सिद्धार्थ पन्थीले जानकारी दिनुभयो ।

उक्त कार्यक्रममा एडमन्ड सिटी अस्पताल बुटवल जितगणी को प्राविधिक सहयोगमा भएकको शिबिरमा एडमण्ड सिटि हस्पिटलका काडियोलोजीस्ट डा. प्रकृतिराज कडेल, प्रस्तुति तथा महिला रोग विशेषज्ञ डाक्टर सतिश रुपाखेती, जनरल फिजिसियन विशेषज्ञ डाक्टर केशब राज शर्मा,मेडिकल अफिसर डाक्टर रोहित खड्का,डाक्टर विकाश घिमिरेले लगायत ११ रोगका विशेषज्ञ डक्टरले सेवा दिनुभएको थियो ।

शिबिरमा निशुल्क रुपमा नसा तथा हार्डजोर्ने रोगको विशेषज्ञ डाक्टरबाट सेवा लिन गाउँमै पाएकोमा मोटो रकम तिरेर बुटवल , तम्घास , सन्धिखर्क तत्काल उपचार गर्न जानुपर्ने बाध्यता नरहेकको स्थानिय शान्ता पन्थिले बताउनु भयो । पहाडी जिल्लाका ग्रामिण बस्तीमा अझै पनि सचेतनाको कमीले गर्भबति हुने बेलामा भारिकाम गर्दा महिलाहरुमा सेतोपानी बग्ने , पाठेघर खस्ने, कोखा दुख्ने , नियमित महिनाबारी नहुने , टाउको दुख्ने जस्ता समस्या भएका बिरामी बढीमात्रामा चेकजाँच गर्न भएको प्रस्तुति तथा महिला रोग विशेषज्ञ डाक्टर सतिश रुपाखेतीले बताउनु भयो । 

उक्त कार्यक्रममा छत्रदेव गाउँपालिका उपाध्यक्ष मनि पन्थी, प्रमुख प्रशासकीय अधिकृत भेषराज घिमिरे, एडमण्ड सिटि अस्पतालका अध्यक्ष प्रकाश राना, छत्रदेव गाउँपालिकाका स्वास्थ्य शाखा प्रमुख बुद्धिराम न्यौपाने, वार्ड नम्बर ५ का अध्यक्ष बालकृष्ण पोखरेल, वार्ड नम्बर ६ का अध्यक्ष कमल पौडेल, वार्ड नं. ३ का वडा तेज प्रसाद खनाल, छत्रगञ्जका पुर्व अध्यक्ष बालकृष्ण श्रेष्ठ , वडासदस्यहरु , स्थानीय व्यावसायि टिन प्रसाद प्रधान,लगायतको सहभागी रहेको थियो ।

कार्यक्रमको संन्चालन छत्रगंन्ज रुपन्देही सम्पर्क समाजका सचिव विराज पौडेलले गर्नु भएको थियो । निशुल्क स्वास्थ्य शिबिरमा ठुलापोखरा, बल्कोट , चिदिका ,अर्घातोष ,भगवती, केरुङ्गा ,छत्रगञ्ज लगायतका ठाउबाट आएका बिभिन्न रोगका झन्डै ७ सय बिरामीले सेवा लिएकका थिए ।