काठमाडौं । राष्ट्रिय स्वतन्त्र पार्टीका प्रमुख सचेतक सन्तोष परियारले गलत प्रविधिको विरुद्ध रास्वपा चुप लागेर नबस्ने बताए । आइतबार बसेको प्रतिनिधिसभा बैठकमा बोल्दै सचेतक परियारले सरकारले गरेको गलत कामलाई समर्थन नगर्ने बताए।
प्रमुख सचेतक परियारले राष्ट्रपतिले प्रमाणीकरण गरेको नागरिकता विधेयकको विरोध गर्दै बेथिति विरुद्ध खरो रुपमा उत्रने बताए । उनले यो विधेयक राजनीतिक, नेपालको सुरक्षासँग जोडिएको विषय हो। यो मानव अधिकार र भूराजनीतिसँग जोडिएको विषय हो। उनले भने रास्वपाले गलत कामको समर्थन गर्दैन ।
उनले राष्ट्रिय स्वतन्त्र पार्टी विधि र पद्धतिमा चल्ने पार्टी भएको दाबी गर्दै सरकारको रवैयालाई स्वीकार गर्न नसक्ने बताए ।
