काठमाडौं । प्रधानमन्त्री पुष्पकमल दाहाल प्रचण्डले भारत भ्रमणका क्रममा सीमाबारे आफुले गम्भिर रुपमा कुरा उठाएको बताएका छन् । भारत भ्रमणबारे संसदलाई जानकारी दिँदै प्रधानमन्त्री प्रचण्डले कालापानी, लिपुलेक र लिम्पियाधुरा नेपालको भूमि हो भन्ने स्थापित गराउन आफूले भारतीय प्रधानमन्त्री नरेन्द्र मोदीलाई गम्भिर रुपमा कुरा राखेको बताए ।
प्रधानमन्त्री प्रचण्डले आफ्नो भारत भ्रमण सफल मात्रै नभई ऐतिहासिक भएको जिकिर गर्दैै सीमाको समस्या समाधानका लागी दीर्घकालीन समाधान खोज्न आफुले भुमिका खेलेको बताए । उनले सिमानाको विषय भारतीय प्रधानमन्त्री नरेन्द्र मोदीसँग आफूले प्रस्टसँग कुरा राखेको बताउदै सिमानाको समस्या हल मोदी पनि सकारात्मक रहेको बताए ।
