रोल्पा।परिवर्तन गाउँपालिका–६ को साहुदेरामा आगलागी हुँदा गोठ पूर्ण रूपमा नष्ट भएको छ। सोमबार करिब मध्याह्न १२ बजे तिर विद्युतको तार सर्ट भएर आगलागी भएको हो।
आगोलाई स्थानीयहरुले करिब दुई घण्टामा नियन्त्रणमा ल्याएका हुन्।अन्दाजी ३८ बर्षका कविराज बुढा मगरको दुई कोठा कच्ची घर र फुसको छानो भएको गोठ आगलागीबाट पूर्ण रूपमा नष्ट भएको ईलाका प्रहरी कार्यालय ओबाङका कार्यालय प्रमुख ओमभक्त केसीले बताए ।
प्रहरीका अनुसार आगलागीबाट १ लाख ७५ हजार बराबरको क्षति भएको प्रहरीले जनाएको छ । चिरान लगाएको काठ १ लाख बराबरको क्षति भएको छ भने छानो,ढुङ्गा,फुस लगायतका सामाग्री पूर्ण रुपमा क्षति भएको ओबाङका कार्यालय प्रमुख केसी बताए ।
घरमा कोही नभएको अवस्थामा आगलागी हुँदा मानवीय क्षति भने नभएको प्रहरीले जनाएको छ ।
