बुटवल। भारतले केहीसमय अगाडि अखण्ड भारत भन्दै आफरनो नयाँ संसद भवनमा नेपाली भूमि रुपन्देहीको बुद्ध जन्मस्थल लुम्विनी र कपिलवस्तुलाई स्पष्टरुपमा नक्सामा राखेपछि त्यसका विरुद्ध पहिलापटक काठमाण्डौं महानगरपालिकाका मेयर बालेन्द्र शाह (वालेन) ले आफ्नो कार्यकक्षमा ग्रेडर नेपालको नक्सा राखेपछि यतिवेला देशका विभिन्न स्थानमा रहेका सरकारी निकाय अन्र्तगत पर्ने वडाध्यक्षले समेत राख्न थालेका छनन् ।

भारतलाई काउन्टर दिनेगरी शाहसका साथ ग्रेडर नेपालको तस्विर राख्न कफल भएकोमा धन्ष्वादका पात्र बेनका छन् मेयर वालेन । त्यस्तै शाहसका साथ अगाडि बढेका छन्, बुटवल उपमहानगरपालिका वडा न–१० का वडाध्यक्ष वलबहादुर पुन (वलु) । उनले पनि आफ्नो कार्यकक्षमाम नेपाल 'ग्रेटर नेपाल' को नक्सा राखेका छन्। यसैगरी  झापा, इलाम लगायत देशका विभिन्न पालिकाका वडाहरुमा वडाध्यक्षहरुले ग्रेटर नेपालको नक्सा राख्न थालेका छन् । 

झापाको दमक नगरपालिका वडा न–७ र ८ का वडाध्यक्षले ग्रेटर नेपालको नक्सा सजाएका छन् । ७ का वडाध्यक्ष भीम पौड्यालले आफ्नो कार्यकक्षमा ग्रेटर नेपाल को नक्सा राखेका छन् ।  आइतबार वडाध्यक्ष पौड्यालले आफ्नो कार्यकक्षमा ग्रेटर नेपालको नक्सा राखेका हुन् । वडा अध्यक्षको कार्यकक्षमा राखिएको ग्रेटर नेपालको नक्सामाथि पृथ्वीनारायण शाहको तस्बिर पनि राखिएको छ ।

साथै दमक नगरपालिका वडा न– ८ का  वडाध्यक्ष दिपेश दाहालले पनि आइतबारै आफ्नो कार्यकक्षमा ग्रेटर नेपालको नक्सा राखेका छन् । इलाममा नगरपालिका– १० का वडाध्यक्ष दिलीप प्रधानले पनि आफ्नो  कार्यकक्षमा  ग्रेटर नेपालको नक्सा राखेका छ्न् । पछिल्लो समय भारतले नेपालको भूमि समेत समावेश गरि सांस्कृतिक नक्सा तयार गरेको प्रसङ्ग पश्चात् नेपालमा उक्त विषय पेचिलो बन्दै गएको छ । साथै उक्त नक्सा बारे नेपालको संसद्मा पनि चर्चा परिचर्चा शुरु भएको छ ।