काठमाडौँ । सुन तस्करी सम्बन्धी छानबिन गर्न गठित उच्चस्तरीय आयोगले राजश्व अनुसन्धान विभाग र केन्द्रीय अनुसन्धान ब्यूरो (सीआईबी)का उच्च अधिकारीलाई कारबाहीको सिफारिस गरेको छ ।
सुन तस्करीको छानबिनमा गम्भीर त्रुटि गरेको निष्कर्ष निकाल्दै आयोगले विभाग र सीआईबीका उच्च अधिकारीसहित केही प्रहरी र कर्मचारीलाई समेत कारबाहीको सिफारिस गरेको हो ।
सुन तस्करीसम्बन्धी अनुसन्धानमा संलग्न अधिकारीहरूले मुद्दा चलाउनुपर्नेलाई समेत जोगाएको आरोपमा आयोगले कारबाहीको सिफारिस गरेको हो ।
उनीहरूले सुन तस्करीमा जोडिएका व्यक्तिलाई भगाएको र तस्करीमा संलग्न व्यक्तिसँग सम्बन्ध देखिएपछि आयोगले कारबाहीको सिफारिस गरेको स्रोतले जनायो ।
