सर्लाही - सर्लाहीमा प्रहरीले गोली चलाएको छ । लुटपाटका आएकाहरुलाई नियन्त्रणमा लिएको तर भाग्न खोजेपछि प्रहरीले गोली चलाएको हो ।
सो क्रममा प्रहरीले चलाएको गोली लागेर भारत मोतिहारी घर भएका जितेन्द्र राउत घाइते भएका छन् ।
उनको मलंगवास्थित प्रादेशिक अस्पतालमा उपचार भइरहेको जिल्ला प्रहरी कार्यालय सर्लाहीले जनाएको छ । राउतको घुँडा र तिघ्रामा गोली लागेको बताइएको छ ।
सर्लाहीको बरहथवामा पक्राउ गरेर जिल्ला प्रहरी कार्यालयमा लैजाँदै गर्दा भाग्न खोजेपछि प्रहरीले गोली चलाएको बताइएको छ ।
मोटरसाइकलमा आएका २ जनालाई प्रहरीले नियन्त्रणमा लिएपछि भाग्न खोजेका थिए । पक्राउ परेका अर्का भारतीय नागरिकलाई भने गोली लागेको छैन ।
