दाङ। दाङका किसानले लगाएको बन्दा बारीमै सुक्ने गरेको छ । बन्दा बिक्री नहुँदा बारीमै सुक्ने तथा वस्तुभाउलाई खुवाउनु पर्ने बाध्यता रहेको छ । तुलसीपुर उपमहानगरपालिका वडा न–११ मोतिपुरका राजेश डाँगीले १७ कठ्ठामा लगाएको बन्दा यसवर्ष बारीमै चरण गराउनु प¥यो । बिक्री नभएपछि वस्तुभाउलाई खुवाउनु पर्ने बाध्यता आईलाग्यो। १७ कठ्ठामा लगाएको बन्दा गोभी एउटा पनि बिक्री नभएपछि उनले गाई, बाख्रालाई खुवाउनुको भन्दा विकल्प नदेखेपछि निराश हुँदै गाईवस्तुलाई चराए ।
उनले बन्दा खेति गर्न लागेको १० वर्ष भन्दा बढि भयो । गएको वर्ष बन्दा राम्रै बिक्री भएको थियो । त्यही भएर पनि यस वर्ष हौसिएर उनले १७ कठ्ठामा खेति गरेका थिए । उनि भन्छन्, गत वर्ष राम्रै माग भएको थियो, बिक्री पनि राम्रै भएको थियो’, ‘त्यही भएर मैले यसवर्ष धेरै क्षेत्रमा यो खेती गरेको हुँ । गएको वर्ष उनले १० कठ्ठामा मात्रै बन्दा खेति गरेका थिए ।
भारतबाट आउने तरकारीले गर्दा यहाँको बन्दा बिक्री नभएको उनको गुनासो छ । सबै भारतबाट आईहाल्छ’,उनले भने‘ त्यसले गर्दा हामीले उत्पादन गरेको तरकारीले बजार पाउँदैन । त्यस्तै सोही ठाउँका किसान डम्बर कुमारी खत्री पनि बारीमा सुक्दै गरेको बन्दा देख्दा मन भक्कानिने बताईन् । कृषि प्रधानदेशमा किसानले लगाएको तरकारीनै बिक्री नहुँनुले मुलुक कता जाँदैछ, भन्ने चिन्ताले पिरोल्ने गरेको उनी बताउँछिन् । ‘कृषि प्रधान देश भन्छन्, हामीले लगाएको तरकारी बारीमै सुक्छ’,उनले भनिन्‘ तरकारी बिक्री नभएपनि नसक्ने, नबिग्रिने, प्रशोधन गरि अचारजस्ता कुरा बनाउने गरि सरकारले व्यवस्था गर्नुपथ्र्यो ।
गतवर्ष ब्यापारीहरु बारीमा लिन आउने गरेको भएपनि यस वर्ष किन्न समेत नमानेको उनको भनाई छ । यस्तै भइरहेमा अर्को वर्ष खेति गर्ने कि नगर्ने भन्ने कुराले आफूलाई दोधारमा परेको उनको भनाई छ ।
