काठमाण्डाै । प्रमुख प्रतिपक्षी नेकपा एमालेका सांसद रघुजी पन्तले नेपालको असंलग्न परराष्ट्रनीतिबारे सरकार स्पष्ट धारणा सार्वजनिक गर्नुपर्ने बताएका छन् ।
प्रतिनिधिसभाको बिहीबारको बैठकको आकस्मीक समयमा बोल्दै पन्तल भारतका लागि नेपाली राजदूत शङ्कर शर्माले धर्मनिरपेक्षता र भारतसँगको कूटनीतिक सम्बन्धबारे हालै दिएको अभिव्यक्तिप्रति आपति जनाउदै नेपालको असंलग्न परराष्ट्रनीतिबारे सरकार स्पष्ट धारणा सार्वजनिक गर्नुपर्ने बताएका हुन् । उनले नेपाल असंलग्न परराष्ट्र नीतिमा अडिग हुँदै आएपनि पछिल्लो समययता असंलग्न परराष्ट्र नीतिमा खलबल हुन थालेको जिकिर गरे ।
नेपालको संविधानमा धर्मनिरपेक्षताको कुरा स्पष्ट रहेपनि राजदूत शर्माले भारतमा गएर धर्मनिरपेक्षाताको विपरीत कुरा गरेको उनले आरोप लगाए । उनले इपिजीको प्रतिवेदन प्रभूत्व व्यक्ति समूहबारे राजदूत शर्माले व्यक्त गरेको अभिव्यक्ति पनि आपत्तीजनक र खेदपूर्ण रहेको बताए ।
