काठमाडौं । नेकपा एमालेका अध्यक्ष केपी शर्मा ओलीले समृद्ध नेपाल सुखी नेपालीको राष्ट्रिय आकांक्षालाई पुरा गर्न एमाले अघि बढिरहेको बताएका छन् । बुधबार पार्टी कार्यालय च्यासलमा आयोजित पार्टी प्रवेश कार्यक्रममा बोल्दै ओलीले देश बनाउने एकमात्रै पार्टी एमाले भएको भन्दै समृद्ध नेपाल सुखी नेपालीको राष्ट्रिय आकांक्षालाई पुरा गर्न अघि बढिरहेको जिकिर गरे ।
देशप्रति समर्पित पार्टी एमालेभित्र बेठिक मान्छे पनि हुन सक्ने भन्दै त्यस्ता मान्छेहरु आफै पतन भएर जाने दाबी गरे । उनले पार्टी झन् मजबुद भएर अघि बढेको बताउदै प्राकृतिक स्रोतको धनि राष्ट्र नेपाल गरिव हुनुपर्ने कारण नभएको भन्दै यस परिस्थीतिलाई बदल्नुपर्ने धारणा राखे ।
कार्यक्रममा ओली कांग्रेस, नेकपा एकीकृत समाजवादी लगायतका दलबाट आएका बिभिन्न जिल्लाका नेता कार्यकर्तालाई एमाले प्रवेश गराएका थिए ।
