काठमाडौँ । ‘एच्यु हेयर ओयल ब्युटिसियन ट्यालेन्ट नेपाल २०२४’को उपाधि झापाकी शर्मिला बुढाथोकीले जितेकी छिन् । बेष्ट नेलआर्टको उपाधि समेत हात पारेकी उनले २५ हजार नगद सहित विभिन्न उपहार प्राप्त गरिन् ।
रोज ब्युटी एकेडेमी र विलक्षण क्रियसनले आयोजना गरेको जमल स्थित नाचघरमा आयोजित प्रतियोगितामा फस्ट रनरअप र मोस्ट ट्यालेन्ट अवार्ड निशा थापाले जित्दा सेकेन्ड रनरअप र बेस्ट हेयर स्टाइल अवार्ड अम्बिका तुलाधर अधिकारीले, थर्ड रनरअप र बेस्ट हेयर केमिकल टेक्निशियन अवार्ड रजनी राईले हासिल गरे ।
डा.सरोज लामिछाने, अभिनेता तेज गिरी, एच्यु हेयर ओयलकी प्रबन्ध निर्देशक विमला मानन्धर, इभेन्ट निर्देशक धिरज तण्डुकार, व्युटिसियन पूजा श्रेष्ठ, बाटिका क्रियसनकी फेशन डिजाइनर गोमा अधिकारी धिताल र हाईड एन्ड सिक किन्डर गार्डेनकी प्रिन्सियल कुमुद भट्ट लगायत निर्णायक रहेको प्रतियोगितामा थुप्रै उपविजेता समेत छानिएको थियो ।
