बुटवल । लुम्बिनी प्रदेशका नवनियुक्त सामाजिक विकास मन्त्री जन्मजय तिमिल्सिनाले शिक्षा क्षेत्रलाई गुणस्तरिय बनाउनु नै आफ्नो पहिलो प्राथमिकता रहेको बताउनुभएको छ ।
प्रदेश प्रमुखको कार्यालय ,बुटवलमा सपथ ग्रहणपछि सञ्चारकर्मीहरुसंग कुरा गर्दै मन्त्री तिमिल्सिनाले शिक्षा क्षेत्रलाई सुधार गर्न आवश्यक रहेको बताउनुभयो । उहाँले शिक्षालाई कसरी गुणस्तरिय बनाउन सकिन्छ भनेर आफू लागि पर्ने समेत बताउनुभयो ।
बर्दिया क्षेत्र नम्बर २ को (क) बाट नेपाली कांग्रेसबाट निर्वाचित हुनुभएका तिमिल्सिनाले प्रदेश भित्रका सामुदायिक विद्यालयमा अध्ययन गर्ने न्युन आर्थिक स्तरका बालबालिकाहरुलाई समेत सहज र गुणस्तरिय शिक्षा उपलब्ध गराउन लागि पर्ने बताउनुभयो ।
