रोल्पा । लुम्बिनी प्रदेश सरकारका निवर्तमान स्वास्थ्य मन्त्री तथा लुम्बिनी प्रदेशका सांसद दिपेन्द्र कुमार पुन मगरले आफू दोस्रो कार्यकालको लागि निर्वाचित भएपछी पहिलो पटक क्रिकेट प्रतियोगिताको उद्घाटन गरेको बताउनु भएको छ ।
परिवर्तन गाउँपालिका खेलकुद विकास समितिको आयोजनामा कार्तिक शुक्रबार देखि ११ गतेसम्म हिन्दुहरु महान चाड वडा दशै तथा शुभ दिपावली उपलक्ष्यमा परिवर्तन गाउँपालिका शुभकामना क्रीकेट कप,रोल्पा जिल्ला अन्तर पालिका स्तरीय प्रतियोगिता-२०८१ लाई शहिद स्मृति रंगशाला परिवर्तन गाउँपालिका-५ धामाचौरमा सम्बोधन गर्दै सो कुरा बताउनु भएको हो ।
कार्यक्रम उद्घाटनको प्रमुख अतिथी समेत रहेका सांसद पुनले दिप प्रज्वलन गर्दै भने,"यद्यपि मैले थुप्रै खेलकुद कार्यक्रमको उद्घाटन गरेको छु,कार्यक्रममा सहभागी भएको छु,यो क्रीकेट प्रतियोगिता गाउँपालिकाले आयोजना गरेको गर्यो,म सहभागी भएर मैले उद्घाटन गरेको छु"-उनलेे भने ।
खेलकुदको सन्दर्भमा रोल्पा जिल्लामा यहाँको पूर्वाधारको हिसाबले,संरचनाको हिसाबले यहाँ क्रीकेट मैत्री खेलकुद मैदान छैन- पुनले भने ।
मैले बाध्यता र साँघुरो सञ्चालन बस हामीसँग मापदण्ड अनुसार सम्पन्न हुने अवस्था छैन,त्यहीँ पनि यो सिमित पूर्वाधारको बीचमा रहेर खेलकुदको आयोजना गर्नु भएको छ- उनले भने ।
विगत दुई बर्षदेखि परिवर्तन गाउँपालिकाले विविध खेलकुद प्रतियोगिता सञ्चालन गर्दै आइरहेको छ र विजयी खेलाडीलाई परिवर्तन गाउँपालिकाले शिक्षा र स्वास्थ्यमा जोड्दै आएको छ र प्रेरित गर्दै आएको मैले महशुस गरेको छु- सांसद पुनले भने ।
तपाईंहरु अन्तरपालिकाबाट सहभागी हुनु भएको छ,खेल जित्नको लागि मात्र होइन हार्नको लागि पनि खेल हो,"त्यसैले मैत्रीपुर्ण र मित्रताको भावले खेल खेल्नुपर्छ"-पुनले भने ।
तपाईंले सिकेका राम्रो कुरा यहाँ सिकाउनु होला र सिक्न बाँकी कुरा यहीँबाट सिकेर जानु होला"मेरो आग्रह छ,पालिका स्तरमा कुन पालिकाले खेलकुद क्षेत्रलाई चासो र ध्यान दिएको छ,"त्यो पनि बुझेर यहाँबाट जानु होला- उनले भने ।
