काठमाण्डाै – मधेश प्रदेशसभाको सभाभुख पदमा जनता समाजवादी पार्टी (जसपा) नेपालका रामअशिष यादव निर्वाचित हुनुभएको छ ।
आज मधेश प्रदेशसभा बैठकमा भएको मत विभाजनमार्फत सातदलीय गठबन्धनका तर्फबाट उम्मेदवार यादवले ७२ मत प्राप्त गर्दै निर्वाचित हुनुभएको हो । बैठकमा ९६ जना सांसद उपस्थित रहेकामा यादवको विपक्षमा २४ मत परेको छ ।
पहिलो प्रस्तावमाथि मत विभाजन भएर नै यादव निर्वाचित भएपछि नेकपा एमालेका त्रिलोकी प्रसादलाई सभामुख बनाउन दर्ता भएको प्रस्ताव स्वतः खारेज भएको छ ।
निर्वाचित भएका यादव धनुषा निर्वाचन क्षेत्र नमब्र २ (ख) बाट निर्वाचित हुनुभएको हो । उहाँ यसअघिको कार्यकालमा पनि प्रदेशसभा सदस्य हुनुहुन्थ्यो ।
