एजेन्सी। रूसले साेमबार युक्रेनका विभिन्न सहरमा मिसाइल र ड्रोन आक्रमण गर्दा १२ जनाको मृत्यु भएको छ।
साेही आक्रमणमा परी ४० जना घाइते भएका हुन् । युक्रेनी राष्ट्रपति भोलोदिमिर जेलेन्स्कीले आक्रमणलाई भयानक भन्दै कडा शब्दमा निन्दा गर्नुभएकाे छ ।
रूसले युक्रेनमाथि आक्रमण शुरु गरेको चार वर्ष भइसकेको छ । संयुक्त राष्ट्रसंघ (यूएन)ले युद्ध शुरु भएयता हालसम्म १६ हजार भन्दा बढी युक्रेनी सर्वसाधारणको मृत्यु भइसकेको जनाएकाे हाे ।
रूसले निरन्तर युक्रेनका ऊर्जा तथा अन्य आधारभूत संरचनामाथि आक्रमण गर्दै नागरिकहरूको मनोबल कमजोर पार्ने प्रयास गरिरहेको छ ।
