बुटवल । उच्च अदालत बार एशोसिएशन बुटवलका निवर्तमान अध्यक्ष जोगबहादुर खत्रीले डेमोक्याटिक लयर्स एशोसिएशन नेपाल (DLA Nepal) को केन्द्रिय उपाध्पक्ष पदमा उम्मेदारी दिने बताएका छन् । उनले यही २०८० साल  जेठ २६ र २७ गते चितवनमा हुन गईरहेको केन्द्रीय महाधिवेशनमा लुम्बिनी प्रदेशको तर्फबाट केन्द्रिय उपाध्पक्ष पदमा उम्मेदारी दिने बताएका हुन् । 

बुवा प्रेम बहादुर खत्री र आमा हुमकला खत्रीको कोखबाट २०३० सालमा गुल्मी सिमीचौर ६,अर्खलेमा जन्मेका खत्रीले एस.एल.सी सम्मको अध्ययन जिल्लामा नै गरेका थिए । उच्च शिक्षा अध्ययनका लागी बुटवल झरेका उनले  बुटवल बहुमुखी क्याम्पसबाट आई.एल र  बि.एल उर्तिण गरेका छन् । त्यसै गरी उनले काठमाडौं स्कुल अफ ल (KSL) बाट एलएल.एम सम्मको अध्ययन गरेको छन् । 

विभिन्न संस्थामा आवद्ध भई सामाजिक एंवम् राजनीतिक गतिविधिमा सक्रिय उनी हाल कानुन व्यवसायमा केन्द्रित छन् । उच्च अदालत बार एशोसिएशन बुटवलको सदस्य समेत रहेका उनी उक्त बारको निवर्तमान अध्यक्ष हुन् ।