काठमाण्डाै – हप्ताको पहिलो दिन शेयर बजार दोहोरो अङ्कले घटेको छ । शेयर बजार परिसूचक नेप्से आज १९ दशमलव ९२ अङ्कले घटेर २ हजार ५ सय ९५ दशमलव १० विन्दुमा झरेको छ ।
आज म्युचल फन्ड बाहेक सबै समूहको शेयर घटेकोमा होटल तथा पर्यटन, जीवन बीमा समूहको शेयर डेढ प्रतिशतभन्दा धेरैले ओरालो लागेको छ । आज २०७ वटा कम्पनीको शेयर घटेकोमा ४३ वटाको बढेको छ । यस्तै ७ वटा कम्पनीको शेयर घटबढ भएको छैन ।
आज सिन्धु विकास बैंकको शेयर सबैभन्दा धेरै १० प्रतिशतले घटेको छ । समग्रमा बजार घटेको दिन एसवाई प्यानल नेपाल कम्पनीको शेयर भने १० प्रतिशतले बढेको छ ।
आज नेप्सेसँगै कारोबार रकम पनि घटेको छ । गएको बिहीवार ४ अर्ब ५७ करोडको कारोबार भएकोमा आज ३ सय ४५ वटा कम्पनीका १ करोड १२ लाख कित्ता शेयर ४ अर्ब ५२ करोड रुपैयाँमा किनबेच भएको छ ।
