काठमाडौं – नायिका केकी अधिकारीको फिल्म ‘बोक्सीको घर’को ट्रेलर सार्वजनिक भएको छ । निर्माण पक्षले आइतबार एक कार्यक्रमको आयोजनका ट्रेलर सार्वजनिक गरेको हो ।
ट्रेलरमा केकी ‘बोक्सी’को भूमिकामा देखिएकी छिन् भने निर्देशक सुलक्षण भारती गाउँले परिवेशका अधबैँसे पुरुषको भूमिकामा देखिएका छन् । ट्रेलर गाउँको कथा कथा देखाएको छ ।
ट्रेलर सार्वजनिक गर्दै निर्माण पक्षले महिलालाई बोक्सीको आरोप लगाइ गरिने अन्यायको कथामा आधारित फिल्म रहेको जानकारी दिएको छ ।
फिल्ममा केकी, भारतीसहित सुपला सापकोटा, स्वेच्छा राउत, रमा थपलियालगायतको अभिनय रहेको छ ।
८ वर्षअघि मञ्चन भएको नाटकमा आधारित रहेको फिल्म निर्माण गरिएको निर्माण पक्षले जनाएको छ । नाटकका लेखक भारतीले नै फिल्म निर्देशन गर्न लागेका हुन् ।
केकी अधिकारीको होम प्रोडक्सनमा बनेको यो फिल्म उनको महत्वाकांक्षी प्रोजेक्ट हो । यस फिल्मको निर्माता केकीका बुबा बद्री अधिकारी हुन् । राज घिमिरे कार्यकारी निर्माता हुन् ।
हेर्नुहोस् भिडियो :
