काठमाडौं – मल्टिस्टारर चलचित्र ‘पुजार सार्की’ को ‘रिमै’ बोलको गीत सार्वजनिक भएको छ । निर्माण पक्षले मंगलबार सार्वजनिक गरेको सो गीतका दृश्यहरूले चलचित्रको थिम प्रस्तुत गर्ने जनाएको छ ।
यस गीतमा चलचित्रका पुजारको भूमिकामा रहेका अभिनेता आर्यन सिग्देल, मैतबहादुरको भूमिकामा रहेका अभिनेता प्रदीप खड्का र मेघराज खत्रीको भूमिकामा रहेका पल शाह र अभिनेत्री अञ्जना बराइली र परीक्षा लिम्बूले प्रमुख स्थानमा पाएका छन् ।
अभिनेत्रीहरू बराइली र लिम्बूलाई ग्रामीण परिवेशका युवतीहरूको भूमिकामा प्रस्तुत गरिएको छ।
गीतमा दिनेश राउतको शब्द र सुवास भुसालको सङ्गीत रहेको छ भने देवेन्द्र बराल र मुना ठटालको स्वर रहेको छ।
यस चलचित्रमा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायतको पनि अभिनय रहेको छ।
दिनेश राउतको निर्देशन रहेको याे चलचित्र वैशाख १० बाट प्रदर्शनमा आउँदै छ । किङ्गडम नेटवर्कको ब्यानरमा बनेको यस चलचित्रको निर्माता सुवास भुसाल हुन् ।
