काठमाडौ । नेपाल महिला संघ अर्घाखाँची काठमाडौ सम्पर्क समितिले तीज मिलन तथा शुभकामना आदान प्रदान कार्यक्रम बिहिवार सम्पन्न गरेको छ ।
कार्यक्रमको प्रमुख अतिथि रुपमा नेपाली काङ्ग्रेस केन्द्रिय सदस्य तथा महिला विभाग प्रमुख पुष्पा भुसालले हिन्दू नारीहरुको महान पर्व हरितालिका तीजको अवसरमा शुभकामना व्यक्त गर्नुभएको थियो ।
उहाँले महिला अधिकार प्राप्तिको लागि महिलाहरुले खेलेको भुमिका स्मरण गराउदै प्राप्त अधिकारको रक्षार्थ सचेत हुन आग्रह गर्नुभयो । पुर्व उपसभामुख समेत रहेकी नेता भुसालले राजनीति स्थिरता बिना मुलुक सहि रुपमा अगाडि बढ्न नसक्ने भएकाले अहिलेको गठबन्धनलाई इमान्दार भई अगाडि बढ्न सुझाव दिनुभयो ।
त्यस्तै नेपाली काङ्ग्रेस पुर्व केन्द्रिय सदस्य रेवती प्रसाद भुसालले चलिआएको रितिरिवाजलाई संरक्षण गरेर अगाडि बढ्दा नेपालीहरुको अस्तित्व बच्ने बताउनुभयो ।
नेपाली काङ्ग्रेस लुम्बिनी प्रदेश संसदीय दलको पुर्व सचेतक निर्मला क्षेत्रीले हरितालिका तीजको अवसरमा शुभकामना व्यक्त गर्दै तीज सम्पूर्ण नारीहरुको अधिकार समानता र संघर्षको प्रतिक भएको बताउनुभयो ।
महासमिति सदस्य समेत रहेकी नेतृ क्षेत्रीले लामो सघर्षबाट प्राप्त अधिकार पुर्ण रुपमा लागु नभएको बताउदै सबै एक भएर अगाडि बढ्नुपर्नेमा जोड दिनुभयो ।
कार्यक्रममा नेपाली काङ्ग्रेस अर्घाखाँची जिल्ला उपसभापति बाबुराम पौडेल,महिला संघ केन्द्रिय सदस्य सिता भुसाल,अर्घाखाँची काठमाडौ सम्पर्क समिती अध्यक्ष डा.मुक्तिराम श्रेष्ठ लगायतले शुभकामना मन्तव्य व्यक्त गर्नुभएको थियो ।
नेपाल महिला संघ अर्घाखाँची काठमाडौ सम्पर्क समिति अध्यक्ष शान्ता अर्यालको सभापतित्वमा भएको कार्यक्रम उपाध्यक्ष कमला आचार्यको स्वागत मन्तव्य र सचिव राधा आचार्यको संचालनमा सम्पन्न भएको थियो ।
कार्यक्रममा कार्यसमितिका पदाधिकारी तथा सदस्यहरुलाई प्रमाणपत्र वितरण गरिएको थियो । कार्यक्रम च्छोरोल्पा पार्टी प्यालेस, ढुङ्गेधारा, काठमाडौंमा सम्पन्न भएको छ ।
