दाङ । दाङमा मोटरसाइकल दुर्घटना हुँदा दुई जनाको मृत्यु भएको छ ।
घोराही–लमही सडकखण्ड अन्तर्गत लमही नगरपालिका वडा नं. ६ को कुसुम गैरा भन्ने ठाउँमा रा ८ प २९४० नम्बरको मोटरसाइकल बिहीबार बिहान दुर्घटना हुँदा दुई जनाको मृत्यु भएको हो ।
लमहीबाट घोराही आउँदै गरेको मोटरसाइकल बिहान सवा ६ बजेतिर कुसुमगैरामा दुर्घटना भएको थियो । दुर्घटनामा घोराही उपमहानगरपालिका–१८ नवलपुर निवासी २७ वर्षीय श्रवण पुन र घोराही उपमहानगरपालिका–४ निवासी २१ वर्षीय विनोद केसीको लमही अस्पतालमा उपचारका क्रममा मृत्यु भएको जिल्ला प्रहरी कार्यालय दाङका प्रहरी प्रमुख एवं प्रहरी उपरीक्षक रामबहादुर केसीले जानकारी दिनुभएको छ ।
प्रहरी उपरीक्षक केसीका अनुसार मृतकको शवलाई पोस्टमार्टमको लागी लमही अस्पतालमा राखिएको छ । घटनाबारे थप अनुसन्धान भइरहेको प्रहरीले जनाएको छ ।
