गुल्मी । गुल्मी जिल्लाको मुसिकोट नगरपालिकाको वडानम्बर-१ को वडाअध्यक्ष पदका लागि भइरहेको उप-निर्वाचनमा ५७ दशमलव १ प्रतिशतले मतदान गरेका छन् ।
रिक्त वडाअध्यक्षपदका मतदानमा २ हजार ३३४ जनाले मतदान गरेको जिल्ला निर्वाचनको कार्यालयका निर्वाचन अधिकृत रिषिराम घिमिरेले बताउनुभयो ।
वडामा ४ हजार ५१ जना मतदाता रहेका थिए । अहिले सबै मतदान केन्द्रबाट मत पेटीका मतगणना हुने स्थल पौदीअमराई वडा कार्यालयमा ल्याइदैछ ।
मतपेटीकाहरु सवै ल्याएपछि सर्वदलीय बैठक बसेर मतगणना आजै गरिने प्रमुख जिल्ला अधिकारी जनार्दन गौतमले बताउनुभयो । त्यसका लागि पनि गणना स्थल पौदीअमराईमा तयारी गरि सकिएको छ ।
वडाअध्यक्षका निर्वाचनका लागि ३ वटा मतदान स्थल र ५ वटा मतदान केन्द्र तोकिएको थियो । वडाअध्यक्ष का लागि ८ जना चुनावी प्रतिसस्पर्धामा छन् ।
