काठमाडौं l नेपाली कांग्रेसले केन्द्रीय कार्यसम्पादन समितिको बैठक बोलाएको छ।
पार्टीको केन्द्रीय कार्यालय, बी.पी. स्मृति भवन, बी.पी. नगर, ललितपुरमा २०८३ वैशाख २ गते बुधबार दिउँसो २:०० बजे बैठक बस्ने तय भएको हो।
पार्टी कार्यालयद्वारा जारी सूचनाअनुसार उक्त बैठकमा केन्द्रीय कार्यसम्पादन समितिका पदाधिकारी तथा सदस्यहरूको अनिवार्य उपस्थितिका लागि अनुरोध गरिएको छ।
बैठकमा समसामयिक राजनीतिक परिस्थिति, संगठन सुदृढीकरण, तथा पार्टीका आगामी रणनीतिबारे महत्वपूर्ण छलफल हुने अपेक्षा गरिएको छ।
का.वा. मुख्य सचिव कृष्णप्रसाद दुलालद्वारा जारी सूचनाले बैठकलाई विशेष महत्वका साथ हेरिएको संकेत गरेको छ। कांग्रेसभित्र पछिल्लो समय देखिएको आन्तरिक समीकरण, नीति–निर्माण र संगठनात्मक गतिविधिलाई व्यवस्थित गर्न यो बैठक निर्णायक हुन सक्ने आंकलन गरिएको छ।
पार्टीभित्र एकता, अनुशासन र रणनीतिक स्पष्टताको आवश्यकता बढिरहेका बेला बस्न लागेको यो बैठकलाई चासोका साथ हेरिएको छ।
