बुटवल । राष्ट्रिय स्वतन्त्र पार्टी ‘रास्वपा’ कपिलवस्तुको अध्यक्ष पदमा शिवकुमार सुवेदी निर्वाचित भएका छन्। जिल्ला अधिवेशन अन्तर्गत भएको निर्वाचनमा आफ्ना प्रतिस्पर्धी विक्रम थापालाई पराजित गर्दै सुवेदी २३५ मतसहित अध्यक्ष पदमा विजयी भएका हुन्।
उनका प्रतिस्पर्धी थापाले ६५ मत मात्र प्राप्त गरे। हिजो साँझ ढिलोसम्म मतदान प्रक्रिया चलेको थियो भने आज बिहान मतपरिणाम सार्वजनिक गरिएको निर्वाचन समितिले जनाएको छ।
यस्तै, जिल्ला उपाध्यक्ष पदमा तीन जनाबिच प्रतिस्पर्धा भएको थियो। जसमा रामनिवास पुरी १८० मतसहित विजयी भएका छन्। सो पदका अन्य उम्मेदवारहरू चिरञ्जीवी शर्माले ८२ मत और अनुप मरासिनीले ३२ मत प्राप्त गरी पराजित भए।
त्यस्तै सचिव पदमा यमलाल आचार्य २०९ मत प्राप्त गर्दै विजयी बनेका छन्। उनका प्रतिस्पर्धी गुरुदेव पौडेलले ६० मत र सुशील खत्रीले ४४ मत प्राप्त गरे। सह–सचिव पदमा देवेन्द्रकुमार शर्मा १२३ मतसहित विजयी भएका छन्।
उक्त पदका अन्य उम्मेदवारहरू मोहम्मद अलीले ९६ मत, जीव लालले ४६ मत र कृति मल्लले ३२ मत प्राप्त गरे।
