बुटवल, रूपन्देही । लुम्बिनी प्रदेशमा कानून निर्माण प्रक्रिया, संसदीय कामकारबाही तथा लोकतान्त्रिक संस्थाहरूको प्रभावकारिता अभिवृद्धि गर्ने उद्देश्यले प्रदेश सभा सचिवालय, लुम्बिनी प्रदेशको आयोजनामा पूर्व सांसद मञ्चसँग अनुभव आदान–प्रदान कार्यक्रम सुरु भएको छ।
रूपन्देहीस्थित मेरिगोल्ड होटलमा आयोजित कार्यक्रममा विगतका संसदीय अभ्यास, कानून निर्माणका अनुभव, लोकतान्त्रिक संस्थाको सुदृढीकरण तथा ती अनुभवलाई वर्तमान संसदीय व्यवस्थासँग प्रभावकारी रूपमा जोड्ने विषयमा गहन छलफल गरिएको छ।
कार्यक्रमको उद्घाटन लुम्बिनी प्रदेश सभाका सभामुख तुलाराम घर्ती मगरले गर्नुभएको हो। कार्यक्रममा पूर्व सांसद मञ्चका अध्यक्ष डा. कृष्णप्रसाद न्यौपानेको अध्यक्षता रहेको थियो भने मञ्चकी उपाध्यक्ष रमा पौडेलले कार्यक्रम सञ्चालन गर्नुभएको थियो।
कार्यक्रममा तुल्सी प्रसाद चौधरी, मेनुका खाँड केसी, पूर्वमन्त्रीहरू, प्रदेश सभा सदस्यहरू, पूर्व प्रदेश सभा सदस्यहरू तथा विभिन्न क्षेत्रका सरोकारवालाहरूको उल्लेखनीय सहभागिता रहेको थियो ।
सहभागीहरूले अनुभवी पूर्व सांसदहरूको ज्ञान, अनुभव र नीतिगत सुझावलाई वर्तमान संसदीय अभ्याससँग समायोजन गर्दै लुम्बिनी प्रदेशको संसदीय प्रणालीलाई अझ परिपक्व, प्रभावकारी, उत्तरदायी र जनमुखी बनाउन यस्ता अनुभव आदान–प्रदान कार्यक्रमहरू निरन्तर सञ्चालन गरिनुपर्नेमा अध्यक्ष डा. कृष्णप्रसाद न्यौपानेले जोड दिएका छन् ।
